إنتي يا ا مي

لحن: شو حلوي السما

اللازمة:

يا اجمل كلمي انتي يا امي

هديي من السما الانسان تسلما

يا اغلى نعمي

1- ما تكفيـكي ولا هديي إنـتي لـكـلّا حنيـي

بقدملـك هــالغنيـــي إلِـــــك يا امي (2)

2- عا إيـدَيكــي تربيــت ومع بسماتِك غنّيت

حدِّك رْكَعت وصَلّيت ومــعِك يـــا امي (2)

3- يـا مــا سـهرتـي ليالي عيونك كانِــت قبالي

بتِــبـقي إنــتي مثـــالي عــا طول يــا امــي (2)

4- يســوع لْـكـلّو قــدرة رَبيتـــو امّــو العــدرا

ومريم صارت هالمرّة مثــالــك امــــي (2)

الأخ ميشال عبود الكرملي